Aqyarda noyabrniñ 8-nde patlav sesleri eşitildi, Rusiye memurları ava mudafaası sisteması işlegenini bildirdi.
"Aqyarda saba ava mudafaası sisteması işledi. İlk malümatqa köre, akvatoriya üzerinde pilotsız uçaq urıp tüşürilgen", - dep yazdı Aqyarnıñ rusiye yolbaşçısı Mihail Razvojayev telegram kanalında.
Rusiye telegram kanalları da ava mudafaası sisteması işlegenini haber eteler.
Mustaqil menbalardan pilotsız uçaqnıñ urıp tüşürilmesi aqqında malümatnıñ tasdıqı yoq.
Avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bu "ukrayin pilotsıh uçaqlarına" qarşı ateş açmaq ve "ava mudafaası sisteması işi" ile añlata.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
