Fevral 24-ünde Aqyarda Milliy-medeniy birleşmeleriniñ Derneginde, halqara ana tili Kününe bağışlanğan “Tuvğan tilim - ayatım” muzıkalı ebebiy aqşam keçti.
Qırım.Aqiqat mühbiri bildirgeni kibi, bu - Aqyar akimiyeti teşkil etken yañı festivalniñ saylav basamağı edi. Festivalniñ adını “Tuvğan til - canlı çoqraq” qoydılar, onı 2019 senesi iyünde keçirecek olalar.
Edebiy aqşamda Aqyarnıñ bir qaçMilliy-medeniy birleşmesi iştirak etti - çuvaş, ermeni, belarus, bulğar, mordva, moldav, ğağauz, mariy, leh ve nemseler. Er birleşme öz ana tili hususiyetleri aqqında aytıp berdi.
Çuvaçlar, ana tilleri - “türk tilleriniñ qadimiy şekli” dep ayttı. Ermeniler tillerine “ana tili” dedi. Mordovlar, olarnıñ tilinde adam adları tuvğanları aqqında malümat bergenini añlattı.
Birleşme azaları, tuvğan tillerinde türkü yırlap, şiir de aytı berdi. Aqyar ukrain milliy-medeniy birleşmesi bu tedbirge azalarını yollamadı.
Ukraina Yuqarı Radası Rusiye tarafından Qırımnıñ vaqtınca işğaliniñ resmiy başlanğıç kününi 2014 senesi fevral ayınıñ 20-si olaraq qabul etti. 2015 senesi oktâbrniñ 7-nde Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ istilâsı qanunsız olğanını tanıdı ve Rusiyeniñ areketlerini tenqid etti. Ğarp memleketleri bir sıra iqtisadiy sanktsiyalar kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.
