Mayısnıñ 1-inden Aqyar körfezinde, keçken yılnıñ soñunda işini toqtatqan “Severnaya - Artbuhta” parom keçiti, yañıdan yürip başlamaq kerek. Bu aqta Aqyar deñiz limanınıñ matbuat hızmeti bildirmekte.
Parom işiniñ cedveli Aqyar deñiz limanınıñ saytında endi derc etildi. Böylece, Severnayadan birinci parom saat 7:30-da çıqacaq, Artbuhtadan ise - 8:00-da. Severnayadan soñki parom 18:30-da ketecek, Artbuhtadan ise - 19:00-da.
Yol ücreti - 30 ruble (12,3 grivna).
Aqyar deñiz limanınıñ matbuat hızmetinde, mayısnıñ 1-inden 5-inece ve 9-ından 12-sinece kater yürüşi raatlıq künü cedveli boyunca yapılacağını bildirdi.
