Aqyarda mayısnıñ 9-ında saat 14:30-ğa qadar Şimaliy tarafqa paromlar yürmeycek. Bu aqta Aqyar deñiz limanınıñ matbuat hızmeti bildirdi.
“Mayısnıñ 9-ında keçirilecek bayram tedbirleri ve şeer merkezinde yol areketiniñ qapatıluvı sebebinden, parom saat 14:30-ğa qadar işlemeycek. Katerler ise Artbuhtadan Şimaliy tarafqa saat 00:05-ten saat 14:00-ğace yürecek. Biletler katerlerniñ özünde satılacaq”, - denile beyanatta.
Rusiye “Ğalebe künü” bayramına bağışlanğan parad Aqyarda mayısnıñ 9-ında saba keçirilecek.
