Aqyarda iyünniñ 18-nde küçlü sağanaq yağdı. Bu aqta Qırım.Aqiqat mühbiri ve yerli sakinler bildire.
Yel birden quvetleşti ve tereklerni sallay. Burçaq da yağa. Yerli Rusiye Fevqulâde vaziyetler nazirligi idaresiniñ Qırım.Aqiqatqa bildirgenine köre, furtuna ihtarları kommunal hızmetlerge yollanıla.
Sağanaq başlağanından yarım saat keçken soñ adiy yağmur yağıp başladı. Suv aqımları da azlaştı.
Aqyar sakinleri sağanaq videolarını Instagramda derc ete.
Eñ yaqın 1-2 saatta ve iyünniñ 18-nde künniñ soñuna qadar Aqmescitte de küçlü sağanaq, boranlı yağmur, saniyede 20-25 süratlı yel beklenile, dep bildire Qırımnıñ Rusiye Fevqulâde vaziyetler nazirligi.
Qırımda iyünniñ 18-nde ve 19-nda bazı yerlerde küçlü sağanaq, boranlı yağmur, burçaq yağması, saniyede 20-25 metr süratınen yel esmesi beklenile.
