Aqyarnıñ merkeziy qısmında noyabrniñ 21-i saba saatlarından berli patlav ve atışqa beñzegen sesler eşitile, dep haber ete Qırım.Aqiqat mühbiri.
Yerli vaqıtnen saat 7:49-dan başlap reaktiv bombaatqıçlarğa beñzegen küçlü patlav sesleri etilmekte. Qırım.Aqiqat mühbiri bir qaç böyle ses eşitken.
Soñra saat 13:13-te ve 13:16-da şeerde kene patlav sesleri eşitilgen, bundan soñ saat 15:29-da ve 15:43 tekrarlanğan.
Ne sesleri olğanı belli degil. Rusiye akimiyeti ve RF arbiyleri vaziyetni izaatlamaylar.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Daa bir patlav 2023 senesi iyülniñ 17-nde oldı. Avgustnıñ 12-nde Rusiye akimiyeti Keriç köprüne yapılğan daa eki ücüm aqqında bildirdi. Yarımadada yüksek (sarı) terror telükesi seviyesi devam ete. Aqmescit ava limanı qapalı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
