Aqyarda küçlü patlav sesi eşitilgen, bundan sebep pencere camları bile titregen. Bunı Qırım.Aqiqat mühbiri haber ete.
Haber etilgeni kibi, şeerniñ merkezinde acele yardım maşnalarınıñ sirenaları eşitilmekte.
Razvojayev Rusiye Ava mudafaası quvetleri deñiz üzerinde ava nişanını urıp tüşürgenini bildirdi. Aynı zamanda şeerde ava telükesi signalı ilân etilmegen edi.
Şimdilik muarririyet bu malümatnı mustaqil menbalardan teşkerip olamay.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Daa bir patlav 2023 senesi iyülniñ 17-nde oldı. Avgustnıñ 12-nde Rusiye akimiyeti Keriç köprüne yapılğan daa eki ücüm aqqında bildirdi. Yarımadada yüksek (sarı) terror telükesi seviyesi devam ete. Aqmescit ava limanı qapalı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
