Rusiye nezaretindeki Aqyar akimiyeti, iyün 9-ınıñ sabasına şeerde yañı koronavirus adisesi qayd etilmegenini haber ete. Amma pandemiya sebebinden şeerde 1239 adam tibbiy nezaret altında buluna.
"Bugünde-bugün infektsiya hastahanesinde 91 adam, 9-ıncı şeer hastahanesinde - 93 adam tibbiy nezaret altında buluna. Yaşağan yerlerinde 1055 kişi közetile", - denile beyanatta.
Akimiyetniñ malümatına köre, beş adam tedaviylenip hastahaneden çıqtı. Yılnıñ başından berli Aqyarda umumen 177 yañı koronavirus infektsiyasınen hastalandı. 150 yahşı oldı, 3 adam vefat etti.
İyün 8-inde keçiş noqtalarında 278 adam teşkerüvden keçkeni haber etile.
Карантин и самоизоляция в Крыму. Седьмая неделя ограничений – в фотографиях
Daa evel Qırımda iyünniñ 8-inde 11 yañı koronavirus hastası qayd etilgeni bildirile edi.
Umumen Qırımda 457 koronavirus hastası qayd etildi. 317 adam yahşı oldı, 14-ü vefat etti.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
