Aqyardaki Telegram kanalları şeerde elektrikler söndürildi, dep haber ete.
«ÇP/Sevastopol» Telegram kanalı haber etkenine köre, ışıq şeerniñ çoqusı rayonında yoq.
Aqyarnıñ Rusiye yolbaşçısı Mihail Razvojayevniñ aytqanına köre, ışıq «Aqyar» alt stantsiyasında «avtomatika söndürilgeni» içün ketti.
Bundan evel martnıñ 29-nda Aqyarda kütleviy sürette elektrikler kesilgen edi. Aqyarnıñ Rusiye yolbaşçısı Mihail Razvojayev o vaqıt şeerniñ Lenin rayonında hatlar zarar kördi, dep bildirdi.
Aqyarnıñ çoqusı rayonı martnıñ başında «Sevastopolenergo» elektrik hatlarında kerginlik artqanı içün elektriksiz qalğan edi.
Fevralniñ 8-nde Aqyardaki Fiolent sakinleri «hatlarnıñ yükü arttırılğanı» içün ışıqsız qaldı.
Bıltır oktâbr ayında uçucısız Aqyardaki Aqyar (Balıqlava) TESine ücüm etti, transformatorlardan biri yanıp başladı. Şeerniñ Rusiye akimiyeti bildirgenine köre, «elektrik teminlevine tesiri olmadı».
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
