Aqyarda küçlü patlav yüz berdi, patlav atta şeerniñ uzaq yerlerinde is etildi, dep bildire Qırım.Aqiqat mühbiri.
Onıñ sözlerine köre, patlav dalğasından evel iç olmağanı kibi evler bile seksengen.
Yerli kilselerde yaralanğan Rusiye arbiyleri içün qan kerek dep, adamdarnı qan bermege çağıralar.
Şeerniñ işğal yolbaşçısı Mihail Rzvojayev patlav RF arbiyleriniñ talimleri ile bağlı, dep bildirdi. Aynı zamanda "Krımkiy veter" telegram kanalı deñizde "Buyan-M" lehaysınıñ gemisi patlağanı aqqında bilidre.
Muarriyeriyet malmüatnı teşkere.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Daa bir patlav 2023 senesi iyülniñ 17-nde oldı. Avgustnıñ 12-nde Rusiye akimiyeti Keriç köprüne yapılğan daa eki ücüm aqqında bildirdi. Yarımadada yüksek (sarı) terror telükesi seviyesi devam ete. Aqmescit ava limanı qapalı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
