İşğal etilgen Aqyarda Rusiye kontrolindeki mahkeme yerli qurucılıq şirketiniñ 43 yaşında sakinine Rusiye ordusını «itibardan tüşürüv» davası boyunca 40 biñ para cezasını berdi. Bu aqta şeerniñ Rusiye polisi haber etti.
İçtimaiy ağlardaki çatlardan birinde erkekniñ «Rusiye Federatsiyası Silâlı quvetlerini itibardan tüşürgen ve devlet akimiyeti organlarınıñ itibarını bozğan» yazuvları qayd etilgen eken.
«Lenin rayon mahkemesiniñ qararınen erkekke 40 biñ ruble para cezası berildi», – dep aytıla haberde.
Rusiye Federatsiyası büyük istilâğa başlağan soñ Rusiye ordusınıñ «diskreditatsiyası» aqqında Memuriy cinayetler kodeksiniñ 20.3.3 maddesi kirsetildi. Rusiye-Ukrayına cenki aqqında malümat tarqatqanlar ve Kremlniñ noqta-i nazarına zıt kelgen er angi fikir bildirgenler taqip etile.
«İtibardan tüşürüv» maddesine istinaden taqipler Rusiye-Ukrayina cenki ve Kremlge zıt kelgen er angi fikirni bildirüv içün başlatıla.
Ukrayina prezidentiniñ Qırım Muhtar Cumhuriyetindeki temsilciliginiñ malümatına köre, 2024 senesi dekabr ayınıñ soñuna qadar Qırımda Rusiye ordusınıñ diskreditatsiyası maddesine istinaden 1126 memuriy dava açılğan.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
