Cumaertesi künü, fevralniñ 13-nde, Aqyarda qar yağdı. Gece şimaliy yelnen qar boranı oldı. Bu aqta Qırım.Aqiqat mühbiri haber ete.
Mühbirniñ malümatına köre, qar tahminen üç santim.
Sabadan Aqyar merkezinde merdiven ve yollarğa tuz qoyalar. Yerli iş adamına ait müessise sipiricileri işke çıqtı. Saba erte «Pobeda» kinoteatri ögünde merdivenge, Bala parkında, attraktsionlar yanında meyndaçıqlarğa tuz qoyğanlar.
Merkeziy soqaqlar – Sinopskaya, Kornilov yalı kenarına enüv, Bolşaya Morskaya soqağı, Lazarev meydanına tuz qoymadılar, dep haber ete mühbir.
Evler arasında bazı yollarğa tuz qoyula.
Yaramay ava sebebinden naqliyat muntazam qatnamay. Trolleybuslar cedvelge köre çalışa.
Berilgen malümatqa köre, gece Aqmescitte qar yağdı. Bazı yerlerde qar 20 sm oldı.
Hatırlatamız, qurtarıcılar Qırımğa küçlü yağanaq ve suvuqlar kele, dep tenbilegen edi.
Cuma künü, fevralniñ 12-nde, yaramay ava sebebinden Aqyar körfezinden reyd qapatıldı.
Sevavtodor yaramay ava sebebinden yüksek seviyeli azırlıq rejimine avuştırıldı.
Aqmescit ava limanında Rusiye uçaqları keç qala.
Qırımdaki qoruqlar yaramay ava sebebinden ziyaretlerge qapatıldı.
