Aqyarda hızmetçiler çoqqatlı evlerni ve içtimaiy yerlerniñ dezinfektsiyasını yapa. Bunı şeer hocalığı bölüginiñ başı Yevgeniy Gorlov haber etti.
"Tünevin biz Balıqlava rayonında evlerniñ kirişileriniñ dezinfektsiyasını yaptıq, bugün merkezde çalışamız. İrinti havflı degil ve sağlıqqa tesir etmey. Gubernatornıñ emrine köre, bu işlerni gece saatlarında yapamız", - dedi memur.
Dezinfektsiyağa baqmadan, Gorlov Aqyar sakinlerniñ evde qalmalarını rica etti.
Martnıñ 29-ında Aqyarda yañı koronavirus hastaları yoq, infektsiya hastahanesinde 38 adam nezaret altında buluna. Umumen 784 adamnı közeteler.
Aqyar akimiyeti bir sıra sıñırlaclarnı kirsetti: şeerde mektepler, universitetler, müzeyler, teatrlar, kinoteatrlar qapaldı.
