Aqyarda eñ az eki patlav sesi eşitilgen. Bunı Qırım.Aqiqat mühbiri haber ete.
Yerli telegram kanallarınıñ malümatına köre, Pobeda parkı civarında patlav eşitilgen soñ suvğa balaban bir şey tüşken.
Muarririyet bu malümatnı operativ şekilde teşkerip olamay.
Qırımnıñ Rusiye reberligi bu malümatgnı izaatlamadı.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Yarımadada yüksek (sarı) terror telükesi bar. Aqmescit ava limanı qapalı.
Qırım yarımadası, 2014 senesi qanunsız işğalden soñ Rusiye tarafından arbiyleştirildi. Ukrayina, Qırım ile beraber işğal etilgen bütün topraqlarını azat etecegini bildire.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
