İyülniñ 2-nde saba bir COVID-19 hastası qayd etildi. Daa evel anası hastalanğan doquz yaşında bala hastalandı, dep haber ete Aqyarnıñ Rusiye ükümetiniñ matbuat hızmeti.
«Bugünki künde 120 kişi yuqunç hastahanesinde buluna, №9 şeer hastahanesinde – 85. 682 insan yaşağan yerinde közetile», – dep aytıla haberde.
Umumen yılnıñ başından Aqyarda, yerli akimiyetniñ malümatına köre, 236 insan koronavirus yuqunçına oğradı. al-azırda 37 kişi hastahanede buluna. 187 insan tüzeldi, 4 kişi vefat etti.
Keçken künü Qırımda sekiz yañı koronavirus hastası qayd etildi, bir COVID-19 hastası vefat etti.
Umumen Qırımda 706 yañı koronavirus hastası qayd etildi. 36-sı çetelden keldi, 94-ü qomşu Rusiyeden kelgenler ve olarnen alâqada olğanlar. 520 insan yahşı oldı, 29 hasta vefat etti.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
