Mayıs 23-ünde Aqyarda daa 5 yañı COVID-19 adisesi qayd etildi, olarnıñ arasında üç ve on eki yaşındaki eki bala bar. Şeerniñ rusiyeli ükümeti bildirgeni kibi, olarnıñ episi bundan evel hastalarnen alâqada bulundı ve izolâtsiyada ediler.
Akimiyetniñ malümatına köre, infektsiya hastahanesinde 89 adam, 9-ıncı şeer hatshanesinde 62 adam nezaret altında buluna. Yaşağan yerlerinde 597 adam baqıla. "İzumrud" pansionatı observator rejiminde çalışa.
Конец самоизоляции. Как прошла первая неделя без жестких ограничений в Крыму (фотогалерея)
Qırımnıñ Rusiye akimiyeti malümatına köre, bugünge qadar 326 yañı koronavirus hastası qayd etildi, 9 koronavirus hastası vefat etti. Aqyarda 154 yañı koronavirus hastası qayd etildi, eki kişi vefat etti.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
