Martnıñ 1-nde Aqyarda 59 yañı koronavirus hastası qayd etilgen, 95 kişi tedaviylengen soñ hasrahaneden çıqarılğan, 69 yaştan 70 yaşqa qadar üç hasta ölgen. Bu aqta Rusiye nezaretinde olğan şeer memuriyetiniñ matbuat hızmeti haber ete.
«Episi olıp, pandemiya başlağandan berli Aqyarda 12010 kişi hastalandı. Şimidiki vaqıtta 11040 hasta tedaviylendi ve 496 öldi, 613 kişi közetile», – dep yazıla bildirmede.
Qırımda keçken künü 62 yañı koronavirus hastası qayd etildi. Rusiye Sağlıq saqlav nazirliginiñ malümatına köre bir künde koronavirus yuqunçından 5 hasta öldi, pandemiya başlanğandan berli ise 934.
Rusiye Sağlıq saqlav nazirliginiñ malümatına köre bir künde koronavirus yuqunçından 5 hasta öldi, pandemiya başlanğandan berli ise 934.
Rusiye nezareti astındaki Qırım ve Aqyar akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
