Aqyarda COVID-19 hastalarınıñ sayısı arta, Qırımda hasta sayısı eksilse de, vefat sayısı eski qala, dep bildire yarımadanıñ Rusiye akimiyeti.
Qırım ükümetiniñ malümatına köre, 74 yañı koronavirus hastası qayl etildi, tünevinden daa az oldı. Umumen bütün müddet devamında 127 397 COVID-19 hastası qayd etildi. 20 kişi vefat etti.
Bir künde 73 insan yahşı oldı, bütün müddet devamında 118 810 kişi tüzeldi.
Aqyarnıñ Rusiye ükümetiniñ saytı 63 yañı COVID-19 hastası aqqında haber ete, bu tünevinki raqamlardan çoqtır.
«Tüzelgen 13 insan yiberildi. 39 yaşından 79 yaşına qadar 4 insan vefat etti. Umumen Aqyarda 53 040 kişi yañı koronavirus yuqunçına oğradı. 50 280 insan tüzeldi, 1 856 kişi vefat etti», – dep bildirdi akimiyet.
Rusiye nezareti astındaki Qırım ve Aqyar akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.
