Yanvarnıñ 9-nda Aqyarda 93 yañı koronavirus hastası qayd etildi.
Şeerniñ Rusiye ükümetiniñ haber etkenine köre, bir künde koronavirustan 64 yaşından 90 yaşına qadar 6 adam ölgen.
“Bugunde tasdıqlanğan COVID-19 ile 230 hasta statsionarlarda: yengil hastalar içün bölükte 234 kişi yata. Hastalarnen alâqada olğan, amma COVID-19 diagnozı tasdıqlanmağan 575 kişi közetile”, – yazıla beyanatta.
Umumen paydemiyanıñ başından Aqyarda 7560 insan yañı koronavirus yuqunçına oğradı, 6896 insan tedaviylendi, 276 öldi.
Hatırlatamız ki, yanvarnıñ 8-nde Aqyarda 92 yañı hasta qayd etildi ve 6 öldi.
Rusiye nezareti astındaki Qırım ve Aqyar akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
