«Gece furtuna oldı, «Lübimovka» ve «Zvezdnıy bereg» plâjında yañı yerler bar». <...> Vaziyet kontrol altında», — dedi Harlamov.
Bundan evel Aqyarnıñ Rusiye yolbaşçısı Mihail Razvojayev soñki eki kün içinde Keriç boğazında eki Rusiye tankeriniñ batması neticesinde şeerde kirlengen 111,8 tonna topraq toplanğanını bildirdi.
Bundan evel Aqyarda regional seviyede fevqulâde vaziyet ilân etildi.
Qırım.Aqiqat bildirgenine köre, mazut taşığan eki «Volgoneft» tankeri bazar künü, dekabrniñ 15-nde, resmiy malümatqa köre, furtuna sebebinedn Keriç boğazında battı.
Tankerler batqanı içün cermay töküldi. Rusiye kütleviy haber vastalarınıñ malümatına köre, «Volgoneft-212» 4300 tonna mazut taşıdı. Shot ve Baza «Volgoneft-239» tankerinde de aman-aman aynı kölemde mazut bar edi.
Rusiye Deñiz qurtaruv hızmeti Keriç boğazında dekabrniñ 15-nde tankerlerniñ batması neticesinde Qara deñizge 2,4 biñ tonna cermay aqıp ketti, dep bildirdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
