Aqyardı işğal akimiyeti Rusiye ordusına hızmetke yazılmağa çağuruv ve "bitirmek vaqtıdır" yazısı ile beyannameler asıp çıqtılar. Bunı Qırım.Aqiqat mühbiri haber ete.
Teşviqiy materiallar cemaat naqliyatında, tibbiyet müessiselerinde, bazarlarda ve arbiy medeniyet müessiselerinde asıp çıqqanlar.
Bennamelerde "Mahsus operatsiya" (rusiyeliler Ukrayinadaki cenkni böyle adlandıra – QA), "Bitirmek vaqtıdır", "Professional olsañ, kel" yazıları bar. Rusiye teşviqiy materiallarında yañılıq şudır ki, "muqavelege riayet etmegenleri içün evel işten çqarılğanlar da kele bile". Müellifler "para" ve "arbiy areketler iştirakçisi statusı"nı vade eteler.
Aqyardaki Rusiye yolbaşçıları merkeziy soqaqlarda "mahsus operatsiya"nıñ reklamasını yapqan afişalarnı astı.
Rusiye 2022 senesi fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
