Aqyarda yanvarniñ 20-nde saba 95 yañı COVID-19 hastası qayd etildi, 80 kişi yahşı olğan soñ yiberildi. 62 yaştan 81 yaşqa qadar altı insan vefat etti, dep bildire şeerniñ Rusiye ükümeti.
«Umumen Aqyarda 8611 insan yañı koronavirus yuqunçına oğradı. Al-azırda 7778 insan tüzeldi, 335 kişi vefat etti», – dep aytıla haberde.
Akimiyetniñ malümatına köre, bugünki künde COVID-19 tasdıqlanğan 300 insan hastahanede buluna, 179 kişi yengil hasta bölüginde yata, 669 kişi közetile.
«1742 insanğa COVID-19 aşısı yapıldı, 539 kişi ekinci kere aşı oldı, şimdi oca ve tibbiyet hadimleri aşılana», – dep qoştı müessise.
Keçken künü Qırımda 251 koronavirus hastası qayd etildi. Qırım sağlıq naziri Aleksandr Ostapenkonıñ malümatına köre, 139 koronavirus hastasınıñ alı ağır. Umumen 30205 COVID-19 hastası qayd etildi. Tüzelgen 24282 insan çıqarıldı, 671 kişi vefat etti.
Rusiye nezareti astındaki Qırım ve Aqyar akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronav
