Tünevin Aqyarda on yañı koronavirus adisesi qayd etildi, bildire şeerniñ rusiyeli akimiyeti.
"Olardan sekizi Aqyarğa Rusiyeniñ başqa bölgelerinden keldi, ekisi - yerli sakinler. Episi evel hasta olğan adamlarnen alâqada bulundı. Şimdilik infektsiya hastahanesinde 145 adam baqıla, 9-ıncı şeer hastahanesinde - 97 adam yata. Yaşağan yerleinde 825 adam nezaret etile", - denile beyanatta.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
