Link açıqlığı

Saatnıñ esas haberi

Aqyarda bir künde üç hasta koronavirustan öldi ve daa 45 hastalandı – akimiyet


Nümüneviy resim
Nümüneviy resim

Martnıñ 9-ı sabası itibarınen Aqyarda 45 yañı koronavirus hastası qayd etilgen. Bu aqta Rusiye nezaretinde olğan şeer memuriyetiniñ matbuat hızmeti haber ete.

Qayd etilgenine köre, 38 kişi tedaviylengen soñ hastahaneden çıqarılğan, 80 yaştan 83 yaşqa qadar eki hasta ölgen.

«Episi olıp, pandemiya başlağandan berli Aqyarda 12417 kişi hastalandı. Şimidiki vaqıtta 11516 hasta tedaviylendi ve 520 öldi, 643 kişi közetile», – dep yazıla bildirmede.

Qırımda keçken künü 58 yañı koronavirus hastası qayd etildi, aynı zamanda 9-nıñ hastalıq alâmetleri yoq edi, dep haber etti Qırımnıñ Rusiye başı Sergey Aksönov.

Rusiye nezareti astındaki Qırım ve Aqyar akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.

Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.

O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.

2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.

XS
SM
MD
LG