Aqyarda fevralniñ 22-nde 2014 senesi qışta Kyivdeki Euromaydanda narazılıq aktsiyaları vaqtında «arbiy hızmet vazifelerini eda etken» «Berkut» mahsus bölügi askerleriniñ mukâfatlandırıluvı beklenile.
Bu aqta Aqyardaki Rusiye gvardiyasınıñ matbuat hızmeti bildire.
Tedbir programmasında – 2013 senesi noyabr ayı – 2014 senesi fevral ayınıñ adise-vaqialarına bağışlanğan «İmayecilerniñ közünen Maydan» adlı fotoresimler sergisi, sönmegen ateş yanında tizilüv, «Berkut hadimleriniñ» mukâfatlandırıluvı, dua, Aqyarnıñ qaraman imayecileri abidesine çeçek qoyuv.
2018 senesi fevral ayında Qırımnıñ Rusiye parlamenti prezidiumı 2014 senesi Maydandaki çatışmalarda elâk olğan üç qırımlı uquq qoruyıcını – Dmitriy Vlasenko, Vitaliy Gonçarov ve Andrey Fedükinni ölümden soñ mukâfatladı. Er birine «Vazifesine sadıq qalğanı içün» nişan berildi. Bundan ğayrı, Kezlevde üyken zabit Andrey Fedükin añıldı. 2015 senesi şeerde tiklengen abidege çeçekler qoyuldı.
