Aqyarda (Sevastopol) batqan PD-16 yaldayıcı tersaneniñ köterilmesine altı ayğa qadar vaqıt kete bile. Bunı Qırım küç organlarındaki menbaasına atıf etip TASS Rusiye agentligi haber ete.
"Şimdilik Arbiy Deñiz Flotunıñ ilmiy tetqiqat institutlarından birisi gemi köterilmesiniñ planını azırlay. Ameliy işlerge altı ayğa qadar vaqıt kete bile", - dedi subetdeş.
B-380 suvastı gemisinen PD-16 yaldayıcı tersane dekabrniñ 15-inde gece Aqyarnıñ Cenübiy körfezinde battı. Bildirile edi ki, olar Rusiye Qara deñiz flotunıñ terkibinden çıqarıldı ve utilizatsiya etilecek edi.
Ayarnıñ rusiyeli gubernatorı Mihail Razvojayev bu adiseniñ adamlarnıñ yaşayışına ve ekologiyağa zararı yoq, dep bildirdi.
Büyük PD-16 yaldayıcı tersane 1938 senesi Nikolayev gemi qurucı zovadında yapılğan. O, suvastı gemilerniñ, esminetsler ve başqa gemilerniñ tamir etüvi içün inşaat etildi.
