Yerli vaqıtnen saat 10:45-ten 11:00-ge qadar Qırım yalısında üç uçucısız urıp tüşürilgen eken.
Muarririyet bu malümatnıñ doğru olıp olmağanını tez teşkerip olamay. Bunıñnen beraber, Qırım vaqtınen saat 11:10-larda Aqyarda ava telükesi ilân etildi. Monitoring kanalları uçucısız ücümleriniñ telükesi aqqında bildirdi.
Qırım Telegram kanalları bir patlav ya da küçlü sesler aqqında haber etmedi. «Krımskiy veter» haber etkenine köre, tasdıqlanmağan malümat Kezlevde uçucısız yüksek binanıñ damına battı dep köstere.
2022 senesinden başlap yarımada aman-aman er kün uçucısız ve raketalarnıñ ücümine oğray, çoqusı alda Rusiye Federatsiyasınıñ Mudafaa nazirligi ya da Rusiye akimiyeti, bu malümat olsa da, arbiy obyektlerge darbe endirilgenini tasdıqlamay.
Roskomnadzor Qırım.Aqiqat saytını blok etti.Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
