Aqyarda aprelniñ 10-nda saba ava telükesi ilân etildi, yerli telegram kanalları RF Ava mudafaasınıñ iş sesleri aqqında yaza.
Ava telükesi yerli vaqıtnen saat 9:15-te ilân etildi. Rusiye nezaret telgraf kanalları Qara deñiz üzerinde bir qaç raketa olğanını bildire. Bu malümatnı mustaqil menbalarnen tasdıqlamaq şimdilik imkânsız.
Rusiye Mudafaa nazirligi ve Ukraina arbiyleri vaziyetni şimdilik izaatlamadı.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Daa bir patlav 2023 senesi iyülniñ 17-nde oldı. Avgustnıñ 12-nde Rusiye akimiyeti Keriç köprüne yapılğan daa eki ücüm aqqında bildirdi. Yarımadada yüksek (sarı) terror telükesi seviyesi devam ete. Aqmescit ava limanı qapalı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
