Aqyarnıñ Eski Şüli (Ternovka) köyünde aman-aman dört gektar qırmızı kitap ardıçı kesildi. Aqyarnıñ Rusiye ükümetiniñ matbuat hızmeti bildirgenine köre, qabaatlanğanlar memuriy mesüliyetke çekilecek.
«Teşkerüv vaqtında Aqyarnıñ qırmızı kitabına kirsetilgen 668 dane ösümlik tapıldı. Aqyarda qırmızı kitap ösümlikleri bu şekilde ilk sefer kesile. Zarar esaplanacaq. İlk malümatqa köre – 10 milliondan çoq zarar bar. Zararnıñ tam miqdarını bilmek içün çalışamız», – dep ayttı «Sevprirodnadzor» yolbaşçısınıñ muavini Vadim Pislâk.
Ardıç terekligi köy hocalığı toprağında yerleşe edi, ve ardıçnıñ büyük qısmı yonğağa çevirildi.
Bundan evel ardıç çalıları Aqyar merkezindeki çeçeklikten yoq oldı.
Hatırlatamız, Aqmescit civarında bir buçuq biñden çoq terek kesildi.
Cenübiy yalıdaki Simeiz qasabasında Rusiye kontrolindeki Qırım ekologiya ve tabiat nazirligi eki yüksek ardıç teregi qanunsız kesilgenini qayd etti.
Adı aytılmağan qurıcı Nikitada dört yüz yıllıq ardıçnı kesti, terekler yerinde ise işçiler çuqur qazdı.
