İyünniñ 21-i sabası itibarınen Aqyarda 71 yañı koronavirus hastası qayd etildi, 11 hasta tedaviylengen soñ hastahaneden çıqarıldı, 77 yaşında bir insan öldi. Bu aqta şeerniñ Rusiye ükümeti haber etti.
«Umumen pandemiya vaqtında Aqyarda 15 711 insan yañı koronavirus yuqunçına oğradı. 14 245 insan tüzeldi, 710 kişi vefat etti. 386 insan közetile – bu insanlar hastalarnen alâqada oldı, COVID-19 diagnozları tasdıqlanmadı», – dep yazıla haberde.
В Крыму продолжается рост количества заболеваний коронавирусом. За минувшие сутки, по данным властей, выявлено 193 случая COVID-19.
Regionda maska taquv rejimi ve mesafege riayet etilmese, hasta sayısı ise eksilmeyip artsa, Rospotrebnadzor Qırımnıñ koronavirus ile küreş operativ ştabına COVID-19 pandemiyası sebebinden tayın etilgen sıñırlavlarnı sertleştirmege teklif etecek ola.
Rusiye nezareti astındaki Qırım ve Aqyar akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.
