Al-azırda Aqyarda 40-qa yaqın mesken ev suv altında, bölgelerniñ çoqusı suvsız. Bunı Aqyarnıñ Rusiye yolbaşçısı Mihail Razvojayev bildirdi.
"Bazı evlerden insanlar tahliye etildi, mahsus yerlerde qalmaqtan red ettiler, soy-soplarında qalmağa qarar berdiler. Suv saat 18-larda berilecek", - dep bildirdi Razvojayev
Haber etilgeni kibi saat 13:23-te Saharnaya Golovka ve Şturmovkada elektrik berilgen. Evel Aqyarda sağanaqlar sebebinden stansiyalardan biri söndürildi, neticede bir qaç qasaba elektriksiz qaldı, dep haber etilgen edi.
Yanvarniñ 19-nda gece Aqyarnı sağanaq bastı, etraftaki köylerde eñ az 25 evni suv bastı, 19 adam tahliye etildi.
Rusiye Fevqulâde vaziyetler nazirligi Qırım yarımadasında küçlü yağmurlar yağması sebebinden furtuna havfı ilân etken edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
