Aqyarda martnıñ 19-nda 32 COVID-19 hastası qayd etildi. Bu aqta şeerniñ Rusiye ükümetiniñ matbuat hızmeti haber ete.
Qayd etilgenine köre, bir künde 83 ve 94 yaşında eki insan vefat etti, 42 kişi tüzeldi.
Umumen Aqyarda 12807 insan yañı koronavirus yuqunçına oğradı, 546 insan vefat etti, 11896 insan yahşı oldı.
Hatırlatamız, martnıñ 18-nde Aqyarda 33 koronavirus hastası ve eki vefat qayd etildi.
Rusiye nezareti astındaki Qırım ve Aqyar akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
