Aqyarda martnıñ 9-nda Oktâbr inqilâbı caddesinde bulunğan ukrain şairi, yazıcısı ve ressamı Taras Şevçenkonıñ abidesine yerli sakinler çeçekler qoydı. Bu aqta Qırım.Aqiqat mühbiri bildire.
Aqyarnıñ Ukrain milliy-medeniy cemiyetiniñ azaları Margarita Litvinenko, Oleg Leus ve Mihail Galunka birinciler sırasında çeçek qoyıp, şairniñ şiirlerini oqudı ve onıñ ayat yolu aqqında ayttılar.
Faaller şairniñ abidesinde bir qaç granit taşı qırılğanını qayd etti.
Lâkin kommunal hızmetler Tamir işlerine daa başlamadı.
Bir saat içinde bir qaç on yerli sakin daa çeçek ketirdi, bazıları şiir oqudı ve dua etti.
Ukrainada martnıñ 9-nda ukrain şairi ve ressamı Taras Şevçenko doğğanınıñ 205 yılı qayd etile.
Yalta sakinleri Şevçenkonıñ abidesine çeçek qoydı. Aqmescitte Rusiye tarafdarları da çeçek qoydı.
Taras Şevçenko 1814 senesi martnıñ 9-nda dünyağa kelip, edebiyat ve ressamlıq icadı sayesinde meşur oldı. O, ukrain medeniyetiniñ eñ büyük timsallerinden biri ola.
