Aqyarda özüni tecrit etme qaideleriniñ bozulmasına dair ilk protokollar | Künniñ Qırım sureti

İlhaq etilgen Aqyarda Kreml nezaretindeki quvetçiler soqaqlarnı teşkerip başladı ve özüni tecrit etme qaideleriniñ bozulmasına dair ilk protokollarnı yazıp başladı. Bunı şeeriniñ rusiyeli akimiyeti bildirdi.

Böylece, Rusiye akimiyetiniñ malümatına köre, birinci protokolnı Artbyhta civarından alkogol içken Stavropol ülkesiniñ sakinine yazıp berdiler.

Daa evel Aqyar sakinlerine - acele allardan ğayrı - evden çıqmaqnı yasaqladılar. Yahta ve katerlerde deñiz kezintileri de yasaqlandı, şeer kirişinde nezaret noqtaları qoyuldı. Aqyar başı Mihail Razvojayev daa evel bildirgeni kibi, şeerde özüni tecrit etme qaideleriniñ bozulması içün cöremeler maküm etilecek.

Qırımda özüni tecrit etme rejimi aprelniñ 30-ınace, Aqyarda ise aprelniñ 12-sinece ükümsürecek.