«Adam Ukrayina telükesizlik hızmetinden vazife alıp, Qara deñiz flotunıñ zabiti yaşağan yerni közetti ve komandanlıq vekiline qarşı terakt yapmağa azırlandı», – dep bildire kütleviy haber vastaları Rusiye qurğan Qırımnıñ FSB idaresiniñ malümatına esaslanıp.
40 yaşında adamğa 300 biñ Rusiye rublesi para cezası berildi.
Avgust ayında Rusiye Cenübiy okrugınıñ arbiy mahkemesi erkekni Qırımnıñ Rusiye yolbaşçısı Sergey Aksenovğa «suiqast» azırlağanında qabaatlap, 18 yılğa üküm etti.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksenov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Daa bir patlav 2023 senesi iyülniñ 17-nde oldı. Avgustnıñ 12-nde Rusiye akimiyeti Keriç köprüne yapılğan daa eki ücüm aqqında bildirdi. Yarımadada yüksek (sarı) terror telükesi seviyesi devam ete. Aqmescit ava limanı qapalı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
