Aqyar şeerinde soñki çañ arfesinde telükesizlik tedbirlerini quvetleştirecekler, dep bildirdi şeerniñ başı Mihail Razvojayev.
"Soñki çañ arfesinde bütün mekteplerde kiriş rejimi ve qoruma quvetleştirilecek. Bütün mektepler qanun qoruyıcı organlarınıñ hadimleri tarafından yahşı etip teşkerilecek", - dedi Razvojayev.
Onıñ sözlerine bölgege kirme aqqı evelden azırlanğan cedvellerge köre teşkil etilecek.
Rusiye haber vastalarınıñ malümatına köre, Ukrayina ile sıñırda olğan Belgorod vilâyetiniñ mekteplerinde soñki çañ tedbirleri lâğu etilgen.
Bundan evel Qırmnıñ işğal yolbaşçısı Sergey Aksönov mayısnıñ 1-nde paradnıñ olmaycağını ilân etken edi, soñra Aqyarnıñ da yolbaşçısı Mihail Razvojayev mayısnıñ 9-nda paradnıñ olmaycağını bildirgen edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
