Qadınğa qarşı "nesnelerniñ silâ olaraq qullanaraq çapqınlıq" suçunda ceza dvası açıldı. Onıñ areketi ağır cinayet kibi qıymetlendirildi, o 7 yıl apis cezasına mahküm etile bile.
"Baza" haber etkeni kibi vaqia noyabrniñ 11-nde yerli vaqıtnen aqşam saat 7-lerde olğan. Habуr etilgeni kibi, 62 yaşındaki Aqyar sakini Natalya Lenin 41 soqağında yerleşken arbiy komissarlıqqa yaqınlaşqan, çatasından yaqıcı qarışma ile şişeni çıqrğan ve qapığa taşlağan, bundan soñ yanğın başlanğan.
"Mash na volne" Rusiye telegram kanalı yanğın söndürilgeni, qadın ise yaqalanğanı aqqında yaza.
RF quvetçileri ve arbiyleri bu vaqia aqqında resmiy şekilde haber etmediler.
Rusiye Ukrayinağa büyük cenk başlağan soñ FSB Rusiye ve işğal etilgen topraqlarda cenkke qarşı aktsiyalarnıñ toqtatılması ile oğraşa. FSB aldını alğan cinatlerniñ aman-aman yüzde 70-i terror eylemi olaraq tasnif etilgen.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
