Rusiye uquq qoruyıcıları Aqyar sakinini «Noman Çelebicihan qırımtatar batalyonında» iştirak etkeninden şübheli sayıp tuttı.
«RİA Novosti» Rusiye devlet agentligi bildirgenine köre, aqyarlı 15 yılğa azatlıqtan marum etile bile. Adı ve soyadı aydınlatılmay.
Hatırlatamız, işğal etilgen Qırımda «Noman Çelebicihan qırımtatar batalyonında» iştirak etüv manaçığınen taqip etilgen onlarnen insan bar. Bazıları apis cezalarını aldı ve Rusiye apishanelerinde yata.
Rusiye FSBsi «Noman Çelebicihan qırımtatar batalyonını» 2022 senesi «terror teşkilâtları» cedveline kirsetti.
Ukraina uquq qoruyıcı organları erkânında qırımtatar batalyonını quruv munaqaşası 2016 senesinden berli devam ete. Ukraina İç işler nazirligine ait Ukraina Milliy gvardiyası, olarnıñ qurulışında «qırımtatar batalyonınıñ» qurulması aqqında beyanatlar şimdilik qanun seviyesinde tasdıqlanmağan beyanatlar olıp qla, dep qayd etken edi. «Asker» cemaat teşkilâtınıñ yolbaşçısı Lenur İslâmov Noman Çelebicihan «qırımtatar batalyonına» arbiy bölük nomerasını bermege talap etken edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
