Aqyarda eki kün içinde yerli sakin qadın tutuldı ve Rusiye uquq qoruyıcıları internette "ruslarnı öldürmek" çağıruvlarınen izaat qaldırğan er adamğa üküm çıqarıldı. Bu aqta Rusiye kütleviy haber vastaları Qırım ve Aqyardaki FSB idaresiniñ malümatına esaslanıp haber ete.
Aprelniñ 20-nde berilgen malümatqa köre, Aqyarnıñ 51 yaşında sakini 2022 senesi Telegramda yazğan izaatları içün mahküm etecek ekenler.
Aprelniñ 21-nde "RİA Novosti Krım" Rusiye Federatsiyasınıñ FSB malümatına esaslanıp, Aqyar sakinine aynı qabaatlavdan sebep çıqarılğan üküm aqqındda bildirdi. Rusiye mahkemesi aylığından 10 fayızını Rusiye kârına alıp, bir yıl mecburiy işlerge üküm etti.
Mabüslerniñ adları ve soyadları aydınlatılmay. Ekisi de qabaatını tanığan, dep aytıla. Bu itiraf basqı altında alına bile edi. Rusiye uquq qoruyıcılarınıñ malümatını teşkermek zor.
Daa evel Ukrayina prezidentiniñ Qırım Muhtar Cumhuriyetindeki temsilciligi, Roskomnadzor Rusiye Federatsiyası tarafından işğal etilgen Ukrayina topraqlarında, şu cümleden Qırımda, informasion boşluq üzerinde nezaretni quvetleştire, dep bildirdi.
Rusiyede ve onıñ tarafından işğal etilgen topraqlarda quvetçiler Ukrayina tarafdarlarını taqip eteler. Rusiye tarafdarı qırımlı bloger Aleksandr Talipov öz telegram kanalında Ukrayinağa qoltutqan qırımlılarnıñ şahsiy malümatlarını derc ete. Böyle şikâyetlerniñ neticesinde qırımlılar RF ordusını "itibardan tüşürüv" içün yaqalana ve memuriy ve cinaiy mesüliyetke çekile.
Rusiyede ve onıñ tarafından işğal etilgen topraqlarda quvetçiler Ukrayina tarafdarlarını taqip eteler. Rusiye tarafdarı qırımlı bloger Aleksandr Talipov öz telegram kanalında Ukrayinağa qoltutqan qırımlılarnıñ şahsiy malümatlarını derc ete. Böyle şikâyetlerniñ neticesinde qırımlılar RF ordusını «areketsizleştirgenleri» içün yaqalana ve memuriy ve cinaiy mesüliyetke çekile.
"Tribunal. Krımskiy epizod" aq qorçalayıcı leyhası menbalarınıñ malümatına esaslanıp bildirgenine köre, laf "Qalay (Azovskoye) köyüniñ sakini Serdar İzmaylov aqqında ketedir, FSB hadimleri onı taa 2024 senesi iyün ayında tutıp, bir yıldan ziyade (2025 senesi noyabr ayına qadar) uquqiy statussız bütünley izolâtsiyada tuttı".