Mayısnıñ 26-nda saba Aqyarda yañı COVID-19 hastası qayd etildi. Böylece, yılnıñ başından Aqyarda 158 yañı koronavirus hastası qayd etildi.
Bu aqta Aqyarnıñ Rusiye ükümetiniñ matbuat hızmeti bildire.
Akimiyetniñ malümatına köre, yañı hasta daa evel hastalanğanlarnen alâqada olğan edi.
«Daa üç kişi tüzelgen soñ hastahaneden çıqarıldı. 119 insan tüzeldi, 3 kişi vefat etti», – dep aytıla haberde.
Berilgen malümatqa köre, al-azırda 94 insan yuqunç hastahanesinde közetüv altında buluna, №9 şeer hastahanesinde – 78. 601 insan yaşağan yerinde közetile.
Qırımda keçken künü üç yañı koronavirus hastası qayd etildi.
Böylece, Qırımda 349 koronavirus hastası qayd etildi. 26-sı çetelden keldi, 73-ü – 154 insan tüzeldi. Rusiyeden kelgen ve olarnen alâqada olğanlar. 11 koronavirus hastası vefat etti. Aqyarda – 157 hasta, üçü vefat etti.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
