Aqyarda iyül 27-sinde saba daa bir yañı COVID-19 hastası qayd etildi, bildire Rusiye şeer akimiyeti.
"Patsiyent - Aqyardan bir pensiyalı qadın, yuqunç menbası epidemiologiya araştıruv vaqtında belgilenecek", - denile Aqyarnıñ rusiyeli akimiyetiniñ beyanatında.
Qayd etile ki, yılnıñ başından berli Aqyarda yañı koronavirus infektsiyasınen 336 adam hastalandı. Şimdi hastahanelerde 64 adam bar. 255 adam yahşı oldı, 6 adam vefat etti.
"Şimdilik infektsiya hastahanesinde 156 adam, 9-ıncı şeer hastahanesinde - 159 baqıla. Yaşağan yerlerinde 587 adam nezaret etile", - qoştılar müessisede.
За минувшие сутки в Крыму зарегистрировано 12 случаев коронавирусной инфекции. Всего в Крыму, по данным местных властей, зарегистрировано 1116 случаев новой коронавирусной инфекции. 71 из них завозной из-за границы, 107 случаев – из соседней России и выявлены по контакту с ними, выздоровевших за весь период – 827 человек, умерли 14 пациентов от коронавируса.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
