İşğal etilgen Qırım ve Aqyarda gece ve saba patlav ve atışlar eşitildi, yarı geceden soñ uçucısız telükesi ilân etilid.
"Krımskiy veter" Telegram kanalı haber etkenine köre, Kefede gece saat birlerde uçucısız, atışlar ve dört patlav eşitildi.
Aqyarda saat 02:57-de patlav oldı, onı şeerniñ Şimaliy tarafında ve Bağçasaray rayonında eşitkenler. Saat 05:15-te "Kaça" uçaq alanı rayonında eki küçlü patlav oldı ve Aqyar tarafına uçqan qırıcı köründi.
Aqyarnıñ Rusiye yolbaşçısı Mihail Razvojayev saat 02:52-de 03:38-de lâğu etilgen ava telükesini ilân etti.
Qırımnıñ Rusiye yolbaşçısı Oleg Krüçkov öz Telegram kanalında Rusiye Federatsiyası ava mudafaa sistemalarınıñ işi aqqında yazdı.
Rusiye Mudafaa nazirligi saba beş Rusiye vilâyeti, işğal etilgen Qırımda ve Azaq deñizinde 62 ukrayin uçucısızını yoq etti, dep esabat berdi.
Ukrayina arbiyleri bu malümatnı izaatlamadı.
2022 senesinden başlap Qırım yarımadasınıñ territoriyasına aman-aman er kün pilotsız uçaq ve raketalar ücüm ete, çoqusı allarda Rusiye Mudafaa nazirligi ya da Rusiye akimiyeti arbiy obyektlerge ücüm etkenini tasdıqlamay.