Link açıqlığı

Saatnıñ esas haberi

Aqyar civarında saba erte patlavlar eşitildi


Nümüneviy fotoresim
Nümüneviy fotoresim

Fevralniñ 16-nda saba erte Aqyarda patlav sesleri eşitildi, dep haber ete Qırım.Aqiqat mühbirleri.

Yerli saatnen saba 5-lerde (Kyivde saba saat dörtlerde) Rusiye arbiy bölükleri olğan rayonlarda bir qaç patlav eşitildi. Aqyarnıñ merkezinde saat 05:14-te raketa sesi ve küçlü bir patlav eşitildi, camlar tasırlap başladı, dep bildire Qırım.Aqiqat mühbiri. Eñ küçlü patlav saba 6:15-te oldı.

Şeerniñ Rusiye akimiyeti ya da Rusiye arbiyleri bunıñnen bağlı resmiy bir izaat daa bermedi.

Aqyarda keçken künü de raketağa oşağan küçlü sesler eşitildi. Aqyarnıñ Rusiye yolbaşçısı Mihail Razvojayev Telegram kanalında «ava mudafaa sisteması vastalarınıñ talimleri» ve «atış vazifeleriniñ yerine ketirilüvi» dep añlattı.

Avgusttan başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayına uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksenov uçucısızlarnı yarımada içün «esas telüke» dep adlandırdı.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG