Aqyarda kene patlavlar eşitile, dep bildirdi şeerniñ Rusiye yolbaşçısı Mihail Razvojayev Telegram kanalında.
"Küçlü sesler aqqında haberleriñizni körem. Qara deñiz flotumız talimler keçire. Bundan ğayrı, tünevin kibi, poligonlarda seferber etilgenler talim keçire, atışlar bar", – dep bildirdi Razvojayev.
Aqyarnıñ Rusiye yolbaşçısı Mihail Razvojayev bundan evel de şeerdeki seslerni "seferber etilgenlerniñ talimleri" dep añlattı. O, "askerlerimizniñ talimleri daa bir qaç kün devam etecek", dedi.
Bundan ğayrı, Aqyarda noyabrniñ 8-nde Rusiye akimiyeti ava mudafaası aqqında bildirdi.
Oktâbrniñ 29-nda gece ve saba Aqyarda patlav sesleri, top ve ateş sesleri eşitildi. Soñra şeerniñ Rusiye akimiyeti ve Rusiye Mudafaa nazirligi Rusiye Qara deñiz flotuna qarşı «terror» ücümi aqqında bildirdi. Olarnıñ malümatına köre, ücümde doquz uçucısız ve yedi deñiz uçucısızı işletildi.
Rusiye Mudafaa nazirligi ücümni Ukrayına arbiyleri kerçekleştirdi. Büyük Britaniya Mudafaa nazirligi qabaatlavnı red etti.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
