Aqyarda gece saat 3:40-larda patlav sesi eşitildi. Bu aqta Qırım.Aqiqat mühbiri haber ete.
Onıñ aytqanına köre, patlav ava mudafaa sistemasına oşadı.
Aqyarnıñ Rusiye yolbaşçısı Mihail Razvojayevniñ Telegramda yazğanına köre, gece Lübimovka rayonında Rusiye Qara deñiz flotu uçucısıznı tüşürdi.
Oktâbrniñ 29-nda gece ve saba Aqyarda patlav sesleri, top ve ateş sesleri eşitildi. Soñra şeerniñ Rusiye akimiyeti ve Rusiye Mudafaa nazirligi Rusiye Qara deñiz flotuna qarşı «terror» ücümi aqqında bildirdi. Olarnıñ malümatına köre, ücümde doquz uçucısız ve yedi deñiz uçucısızı işletildi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
