Uquq qoruyıcılar Aqyardaki Rusiye parlamentiniñ meydanında soqaqlarnı qapattı, dep haber eteler yerli Telegram kanalları ve Rusiye resmiy müessiseleri.
Maşinalardan biriniñ altına yapıştırılğan bir şey tapılğanı haber etile. Nahimov meydanınıñ yanında Rusiye gvardiyasınıñ maşinaları, yanğın söndürici ve acele yardım maşinaları bar.
«Teşkerüv keçirile. Adise yeri sarıp alındı», – dep bildirdi Rusiye kontrolindeki Aqyar cemaat telükesizliginiñ departamenti.
Şu sebepten cemaat naqliyatı areket shemasını deñiştire, dep qayd ete departament.
Fevralniñ soñunda Qırımnıñ Rusiye yolbaşçısı Sergey Aksenov içtimaiy ağlarda tarqatılğan Keriç mekteplerinde azırlanğan terakt haberleri aqqında aytqan edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
