Link açıqlığı

Saatnıñ esas haberi

Aqyar kenarında Otarköy köyü: manzarası güzel, amma gazı yoq (fotoresimler)

Otarköy (Frontovoye) köyü Aqyarnıñ Nahimov rayonınıñ uzaq kenarında, Bağçasaray rayonınıñ sıñırında buluna. Qomşu Zalanköyge mından beş daqqada barıp yetmek mümkün – eki köy arasında yarım kilometr mesafe bar. Eki köyniñ yaşayışı pek farqlı: Zalanköyde 20 yıldan berli gaz bar, Otarköyge ise gaz öyle de kelmedi.

Bıltır noyabr ayına qadar evlerge gaz berilecek edi, amma borular ancaq evlerniñ qoralarına qadar yapıldı. Bundan soñ köylülerge tehnologik bağlavnı ödemege teklif etildi, aslında ise bunı devlet teşkilâtı yapmalı. Köy sakinleriniñ bir çoq şikâyetinden soñ yanvar ayında Aqyar Rusiye ükümetiniñ yolbaşçısı Mihail Razvojayev gaz meseleleri ştabını qurmağa vazife berdi.

Otarköy köyü – eski qırımtatar köyüdir, 1945 senesine qadar adı Biyuk-Otarköy ve Otarköy edi. Al-azırda Otarköyde tahminen biñ kişi yaşay. Qırım.Aqiqat mühbiri Aqyarnıñ «sıñır» köyündeki yaşayışnı kördi.


Facebook Forum

XS
SM
MD
LG