Aqyarda koronavirus tarqalması telükesinden sebep katerlerniñ adam taşımasında sıñırlavlar qoyuldı. Bunı "Aqyar deñiz limanı" saytında bildireler.
"Yolcu katerler ve parom adiy rejimde çalışa. Katerlerge eñ çoqu 60 adam yibereler, onıñ içün cedvelge uymamazlıq ola bile", - denile beyanatta.
Qırımda tasdıqlanğan 53 COVID-19 adisesi bar, Aqyarda - 25. Qırım ve Aqyarda özüni izolâtsiya etüv rejimi aprelniñ 30-ınace uzatıldı.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
