Aprelniñ 24-ne keçer gecesi, saat 3:30-larda, Aqyarda eki patlav oldı, dep haber ete Qırım.Aqiqat mühbirleri.
Olarnıñ aytqanına köre, patlavlar Nahimov oquv yurtu ve Streletskaya körfezi yaqınlarındaki arbiy bölükler rayonında eşitildi. Zenit topu ve atıcı silâ ateşleri de eşitildi.
Malümatnı şeerniñ Rusiye yolbaşçısı Mihail Razvojayev tasdıqladı. Onıñ aytqanına köre, gece Aqyarğa suv üstü dronlar ücüm etti – bir uçucısız yoq etildi, ekincisi özü patladı.
«Er şey şimdiki reydde oldı, bir obyekt zarar körmedi. Şimdi şeer tınç. Amma bütün küç ve hızmetler azır alda buluna», – dep bildire Rusiye memurı.
Telegram kanalları uçucısız yoq etilgen videonı derc ete. Patlavlar merkezden 3 km uzaqlıqta eşitilgen eken.
Gece ücümi sebebinden reyd qapatıldı, lâkin sabağa doğru işi başlatıldı, dep haber ete Aqyar naqliyatı Telegram kanalı.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayıina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Yarımadada yüksek (sarı) terror telükesi bar. Aqmescit ava limanı qapalı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
