Rusiye qurğan Qara deñiz flotunıñ FSB idaresi bildirgenine köre, Telegram messencerinde qadın Ukrayina Telükesizlik hızmeti vekillerinen bağlanıp, «olarnıñ vazifesinen» Aqyarda Rusiye Silâlı quvetleriniñ faaliyeti aqqında malümat toplap yetkize edi.
Neticede Rusiye mahkemesi qadınnı azatlığını bir yılğa sıñırlamaqnen beraber 5 yıl umumiy rejim koloniyasında qalmasına üküm etti.
Ukrayina telükesizlik hızmeti bu malümatnı izaatlamadı. Mahküm ve imayesiniñ de izaatları yoq.
Fevralniñ 7-nde Rusiye FSBsi işğal etilgen Aqyarda ve Rusiyeniñ Voronej ve Rostov-na-Donu şeerlerinde yüksek rutbeli arbiylerge qarşı terakt ve energetika obyektlerinde diversiya azırlağan dört qadın tutuldı, dep bildirdi.
Bundan evel işğal etilgen Qırımda «devlet hainligi» sebebinden mahküm etilgen ukrayin Oksana Menecuknıñ qızı Mariya Kostük yarımadada qadınlarnıñ tutuluvı sıqlaştı, dep bildirdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
